名模Mandy Lieu旗下兩名Model今年加入寫真戰，她坦言入行至今從未接過泳衣工作，但有興趣設計泳衣，助女孩子變得更性感迷人！

Mandy指現時身形甚Fit，不介意拍寫真留倩影。

Mandy愛與陽光玩遊戲，但因曾被偷拍，不敢再到沙灘日光浴。

Mandy着背心玩水，笑言入行以來未試過三點式示人。

近年進軍商界的名模Mandy Lieu開設模特兒公司，首次榮升老闆娘的她表示很有挑戰性，今年更安排兩位日本及韓國籍模特兒推出寫真，問到她自己可有興趣拍攝寫真？Mandy笑說：「我入行以嚟都冇接過泳衣同內衣Show，已經過咗嗰個年紀，一路冇着過但突然又着會好奇怪，當然如果有機會都會想趁後生留個紀念，依家仲Fit！（影嘅話有冇底線？）冇特別諗，總之唔會為性感而性感，件事合理就可以。」雖然暫無意出寫真，但Mandy透露有興趣設計泳衣：「我覺得女仔着泳衣性感得嚟又健康！」

夏天來臨，Mandy自爆愛到沙灘享受日光浴，讓「咪咪」感受一下陽光：「我鍾意膚色曬得均勻啲，之前行山曬到兩截色，所以鍾意着三點式曬太陽。（喺香港都會着三點式去沙灘？）以前同柏霖（舊愛台灣男星陳柏霖）畀人偷影過，所以依家唔係好敢！」

追求健康體態

她又表示頗滿意自己身段，但現時不再追求S身形，反而欣賞徐濠縈的健康體態型：「行出嚟有個氣魄，好有活力！」