本屆世界盃將會由德國與阿根廷爭冠軍，今日落區派海報的無綫「世界盃大使」高海寧與陳智燊各有心水，高海寧揚言德國有猛將贏硬，陳智燊則力撐阿根廷有球王Win「德」！

龔嘉欣與陳智燊（圖）打對台，後日便知鹿死誰手！

龔嘉欣

葉翠翠

黃心穎

張名雅

東方報業集團印製的世盃決賽海報資料豐富，唔攞你就走寶！

無綫奪得四年一度的世界盃直播權，後日（14日）凌晨三時的冠軍戰可謂萬眾期待！無綫「世界盃大使」高海寧（高Ling）及陳智燊（Jason）、龔嘉欣、黃心穎、葉翠翠與張名雅等藝人，將參加今日在尖沙咀及銅鑼灣舉行的東方報業集團《世界盃派海報行動》。

龔嘉欣估波膽2:1

海報由東方報業集團製作，一面印有參與冠軍戰的阿根廷及德國球星的靚相，另一面則印有無綫眾星相片，更附有賽事最新賠率資訊，各位球迷想攞到就快啲「報到」。Jason預期世盃冠軍戰由阿根廷與德國互相較勁，必定非常精彩，準備到場派發海報時會叫市民霸定靚位，等睇這場王者爭霸戰，自己則支持阿根廷美斯捧盃：「好欣賞佢，佢係球隊靈魂！不過呢兩場德國顯示有實力，可能最後要面對德國贏波嘅現實。」

至於高Ling笑言「買對家」，睇重德國奪盃：「阿根廷入到決賽好意外，雖然我都鍾意阿根廷，但美斯每次落場都畀人Mark實，好難發揮。反而德國隊實力較全面，前、中、後場都好好，梅拿又好勁，我認為德國會贏波！（準備點睇波？）未知當日有冇通告，冇就同細佬喺屋企睇！」而龔嘉欣亦睇好德國贏波：「上場對巴西都估中德國會贏，今次我會繼續支持佢哋！（估計賽果？）我估德國會以2：1贏阿根廷！」

東方報業集團 世盃海報等你拎

時間：1:00pm

地點：尖沙咀天星碼頭

嘉賓：張名雅、龔嘉欣、黃心穎、陳智燊

時間：4:00pm

地點：銅鑼灣東角道行人專用區

嘉賓：葉翠翠、高海寧、周志文、周志康