組合Gentlemen日前於荔枝角為新歌練舞，大晒舞功的五子踢爆Dick跳舞時變成另一個人，恍如Chok王林峯上身！

林峯

跳舞時林峯上身的阿Dick，擺甫士同樣Chok到爆！

每日練舞的Gentlemen正密鑼緊鼓於９月出碟。
Roy（左起）、Angus、Dick、Andy、Hugo

新進五人男子組合Gentlemen近日於荔枝角練舞，成員互爆隊員的糗事，令現場笑聲不斷，正秘密練兵的五子將於下月錄新歌：「我哋會錄兩首宣揚正能量嘅新歌，應該喺9至10月出碟！」黃廸（Dick）自爆主動加堂學跳舞：「本身一個星期練一次，我依家加到一個星期練3、4次！」

最叻卸膊

被眾成員封為「Chok王」的Dick哭笑不得，更被陳國靖（Angus）踢爆跳舞時「上晒身」：「跳舞老師好重視基本功，例如定格嘅姿勢同表情等。結果大家愈練愈Chok，特別係阿Dick，佢跳舞時Chok到變咗第二個人！」

談到五子的相處趣事時，吳曉高（Hugo）表示趙汝東（Roy）是隊內的「出氣包」：「有次練舞練到好攰，我哋偷偷哋輪流打機，點知撞正經理人帶嘢食上嚟幫我哋打氣，佢一開門見到得Roy一個攞住遊戲掣，結果罰佢冇飯食！」

對此大表無奈的Roy自嘲反應較慢，因而常被百厭隊員整蠱。此外，成員指朱尉然（Andy）對音樂甚有要求，他自爆有意寫歌：「我學緊結他，有興趣作埋歌，特別係英文歌，因為易寫啲！」