還記得超人擊退奴隸獸？抑或是長腿叔叔的感人故事？兒歌天后唐韋琪預告在個唱上再次喚起大家對卡通片的童年回憶，更分享了兒童節目主持的駐顏術，就是靠「兒」學美容留住青春！

Vikki以童心保青春。

Vikki被兩名壯男托起，有睇頭！

Vikki（左）和譚玉瑛都是兒童節目元老主持。

不少人說兒童節目主持元老譚玉瑛陪伴三代人成長，相信唐韋琪（Vikki）亦不會輸蝕，她與譚玉瑛姐姐主持過幾代兒童節目，不少80、90後都在她們的歡笑聲中長大，提到一班兒童節目主持樣貌好像十年如一日？Vikki分享了獨門駐顏秘笈：「可能對得小朋友多，一直保持童心，有時同佢哋溝通唔使諗嘢，冇乜機心。我冇刻意去Keep，Facial都唔做。」

帶小朋友追夢

無數小朋友聽住數碼暴龍、超人迪加及長腿叔叔等卡通片主題曲長大，Vikki將會把它們重現在下月底的兒歌演唱會上，喚起那些年的童年回憶，重燃起早已塵封的童心，她說：「今次主題係帶住小朋友去追夢，但其實對小朋友嘅父母嚟講，可能今次更有屬於佢哋嘅情懷同共鳴，因為依家有啲媽咪、爹哋都話睇住我大，佢哋好多都童心未泯，兒歌真係無界限。」

Vikki為了今次個唱積極排舞，其中一首歌更由兩名壯男托起她360度旋轉。她又表示今次個唱前後動用六位數籌備，當中最大開支必定是誇張的舞台布景，至於嘉賓，除了有拍檔多年的蓋世寶外，還請來近期失婚的黎瑞恩，問到可有安慰小恩子？她說：「有Send Message慰問佢，但佢好忙，我哋都係電郵溝通。」