「豐滿」KamKam最Like比堅尼

健談開朗的o靚模組合冬甩成員KamKam（金慧君），今年第二年參與寫真戰，她表示今次將有更多造型，還大讚效果比往年滿意：「上年用妄攝呢個概念，角度要好準，體力消耗大，今年就玩多啲顏色，最鍾意係比堅尼，好夏日Feel，好似日本AKB48咁，睇番都覺得自己好靚！」對於其他冬甩成員大多身形瘦削，令身材豐滿的KamKam頓時變得「好肉地」，她即無奈地表示各有各靚：「其實我都唔係好肥啫！係叫做有少少肉地，豐滿啲，好多人都鍾意呢類，我冇刻意收身，仲打機坐到有肚腩添！（身材贏隊友？）大家都有優點啦！」