成功減磅加入寫真戰的34C王璐瑤，今年拒與一眾o靚模鬥Cheap鬥核突，轉行健康性感「才女」風格，出書大談香港美食兼教大家整番兩味！自信十足的她說：「佢哋冇得同我比！」

行開性感路線的LuLu一轉個人風格，推出美食寫真，未知是否適合宅男們的「口味」呢？

LuLu俯身介紹美食，相信粉絲必定垂涎！

成功激減10磅的LuLu，仍然出盡「峰」頭。

o靚模王璐瑤（LuLu）早前傳遭投資者嫌棄身形暴脹，勒令要她勁減10磅，否則立即被Foul出寫真戰。成功收身的她日前終於重投工作，為暑假推出的寫真《你的LuLu女神美食週記》拍照，身穿熱褲加Deep V小背心的她，雖然成功勁減近10磅，「巨咪」由34D縮至34C，但當她俯身介紹雞煲及火鍋時，仍輕易谷出4吋事業線，「食色」俱備，令人流口水。

食得睇得拒鬥性感

今次寫真沒有忌廉、牙膏及比堅尼，卻多了一份健康性感及格調美，不屑與一眾o靚模鬥Cheap的LuLu，會在書中推介全港九大最好味食肆，又會向大廚偷師教讀者整兩味，隨書更會附送小禮物，認真大件夾抵食！出過兩本性感寫真的LuLu說：「今年想突破自己，加上太多靚女出性感寫真，今年唔想咁悶，想畀多啲新鮮感大家，呢本比一般寫真更有用途、更健康。（唔怕同其他o靚模對撼？）我贏佢哋添啦！佢哋冇得同我比，我贏在實用，我嗰本睇得又食得，佢哋嗰本齋睇冇得食！」

問到有否性感造型，LuLu表示會行健康同可愛路線：「最緊要美食夠吸引，最性感係小背心！」提到黃榕全裸介紹香港景點，她指二人的路線及角度不同，無懼被對方揮低：「我哋冇得鬥！唔通我全裸鋪啲刺身喺身咩？呢本書要Functional啲，唔係鬥性感，我反而覺得我客路仲廣，大人、細路都啱睇！」她自言最拿手整甜品，一般家常便飯如糖醋排骨、薯仔燜雞翼等亦識整，就連前男友食過都話正，可謂入得廚房出得廳堂。