無綫小花姚子羚早前與的士公司太子爺鄭子邦傳緋聞，雖然她強調彼此只是朋友，卻不斷大讚對方是個「非常好嘅男仔」，問到若男方追求會否接受，自言「男未婚女未嫁」的她即說：「等佢發動攻勢先再講啦！」

姚子羚縱使期待拍拖，但不會放棄個人事業。

Janice Man被指與姚子羚爭仔。

身穿律師袍的姚子羚（左二），真的有點似律師呢！

姚子羚早前在電視城拍攝新劇《四個女仔三個Bar》的一場法庭戲，首次穿律師袍演戲的她，坦言要背許多專業詞彙，故要特別注意細節，甚有壓力。提到與的士公司太子爺鄭子邦的緋聞，子羚早前被拍得在對方家過夜兼「通宵談心」，她聞言即解釋當日只是去睇波，強調只是朋友關係，但對鄭子邦的為人卻讚不絕口：「佢係鍾意做慈善嘅人，佢又開素食店，我屋企人都食素，做朋友有時都會幫佢宣傳。加上之前我隻狗過身，依家每個星期食一次齋，所以會傾多啲呢方面嘅嘢！」

否認同JM爭仔

有傳她與Janice Man（JM）爭仔，但太子爺似乎對她情有獨鍾，子羚聞言即甜笑說：「有咁嘅事？點解我唔知？佢冇同我講喎！都唔覺追唔追。」

其後，她似向鄭子邦「開閘」：「男未婚女未嫁嘛！（追你都接受？）將來嘅事將來先算啦！目前想專心工作，當然佢係非常好嘅男仔，但我冇諗咁多，因為我哋識太耐喇！等佢真係發動攻勢先再講啦！」

問到會否介意被指恨嫁入豪門，子羚說：「唔介意，但我冇諗過嫁唔嫁入豪門，我仍然熱愛自己嘅事業，覺得女人應該要有自己嘅事業，感情嘅嘢就隨緣啦！大家真係好Friend，唔通識嘅時候就知佢有冇錢咩？唔會諗咁多嘢囉！（同佢會避忌？）會小心啲，但冇乜嘢咪如常運作囉！冇諗過避唔避。」她又指與JM不熟，也沒有爭仔這回事。