無綫藝人張國強（KK）早前於公司的足球比賽中，不小心令右腳腳趾公骨裂，需休息兩個月才可再踢足球。曾是職業足球員的KK笑說：「踢咗波咁多年，今次都算係最唔小心！等我仲以為自己好Fit，原來都唔係！」樂觀的KK笑言腳傷弄出笑話：「拍《商戰》時，有場戲我要扶岳華行路，個角色中風行動不便，所以佢要扮行唔到，但我就要演正常人，真係好諷刺！」KK又大爆腳部紅腫以致不能着皮鞋，平日只能穿拖鞋，在拍攝期間，以西裝上陣的他要避免拖鞋入鏡。

張國強

張國強的腳部紅腫，卻要在拍戲時扮正常人行路，認真陰功！