風趣幽默的網絡紅人Ming仔（梁嘉銘）早前化身深情男，與「宅男甜心」吳若希（Jinny）拍攝微電影《過電》，戲中Ming仔用盡法寶冧掂女神，過足戲癮。問到有否被Jinny電親？Ming仔笑言投入拍戲時當正對方是情侶，但一Cut戲即極速抽離，更踢爆Jinny性格男人：「我哋已經第三次合作，好似兄弟咁，間中會約出嚟食飯，佢平時係極男仔頭，冇咩人知道佢呢個性格，知道咗可能會女神形象幻滅！（有冇咩拍攝趣事？）戲中我哋抱住隻貓，起初Jinny話會氹掂佢，點知隻貓好Cool，我哋兩個都冇晒符！」

吳若希與Ming仔在微電影中扮演情侶。