寫真戰殺到埋身，大部分Model都以露肉程度定輸贏，但三位18歲至21歲的o靚模「嫩口謝安琪」Ashina、「嬌小Carol」SiuYan及「翻版蔚雨芯」Cherry玩校服誘惑兼自爆校園秘密！

SiuYan（左起）、Cherry及Ashina玩校服誘惑，勢要攻陷宅男！

Cherry、SiuYan及Ashina大 Sell青春活潑冇難度！

為在寫真戰中凸圍而出，三位o靚模「嫩口謝安琪」Ashina（郭奕芯）、「嬌小Carol」SiuYan（龍沛榆）及「翻版蔚雨芯」Cherry（嚴詠彤）穿上校服及運動服拍攝寫真《School Girl》，大玩制服誘惑，令Fans重拾在校園拍拖的感覺，但相片有不少大腿及胸部等特寫，意識大膽！而Ashina更參與另一本以超級英雄為題材的寫真，上位在望。

三位少女離開校園不久，提到難忘經歷，Ashina及Cherry的秘密實在令人O嘴，Cherry說：「我初中習慣拎Lace手巾仔，但有次遲到拎錯咗內褲，為咗唔畀人發現，我慌張到去廁所着多條內褲，咁就一日！自此就有陰影，冇再拎手巾！」Ashina則說：「有排夏天太熱，我又懶，所以冇戴Bra返學，就咁搵頭髮遮住，冇人發覺呀！另外比較曳嘅係喺樓梯頂淋嘢飲落同學個頭度！」而自認是乖乖宅女的SiuYan表示當年操行攞A，最曳只是整擦膠碎整蠱同學。

自嘲唔靚讀書冇人追

問到校園情史，三人自嘲當年未識打扮，乏人問津！Cherry說：「學校唔畀化妝，我又未減肥，一啲都唔靚，加上我成日畀人話寸嘴，好少男仔埋身！」SiuYan說：「我嗰陣鍾意運動，外形男仔頭，冇人追！」Ashina則認為中學時期的男仔未夠成熟，因此最多只是玩曖昧。

Cherry

三圍：34C、24、36

Ashina

三圍：33C、24、33

SiuYan

三圍：32C、23、33