流住荷蘭血的張致恒昨晨與莊思敏熱捧荷蘭，惟射12碼時慘敗於阿根廷腳下，他即反晒白眼高呼：「我嘅世界盃完咗喇！」瞬間變「燈神」的莊思敏笑說：「好彩冇落重注啫！」

莊思敏自封「明燈」，慶幸沒有落重注買荷蘭贏。

何傲兒（圖）及Steven均認為德國在決賽中必贏阿根廷。

Steven

任達華估中荷蘭對阿根廷的賽果，好犀利呀！

一眾藝員出席世界盃節目《四強森巴嘉年華》直播。

母親擁有一半荷蘭血統的張致恒（Steven）前晚偕莊思敏及何傲兒（Lily）等，出席無綫世界盃節目《四強森巴嘉年華》直播，對於阿根廷大戰荷蘭，作為「荷粉」的Steven與莊思敏本睇好荷蘭奪冠。可惜事與願違，昨晨踢足120分鐘都和波收場，阿根廷靠射12碼以4：2踢走荷蘭，小賭怡情買荷蘭贏的莊思敏為荷蘭輸波而感到不開心，又指荷蘭球員體力下降，故在射12碼時已打定輸數：「突然一下子做咗『明燈』，好彩冇落重注啫！」

任達華撐德國捧盃

在Instagram上載「反白眼照」兼呻攰的Steven，昨日透過電話哀嘆：「我嘅世界盃已經完咗喇！但我一啲都冇失望，因為荷蘭已經盡咗力，加上阿根廷實力強勁，輸都係正常。」至於決賽阿根廷對德國，撐開德國的Lily、Steven及莊思敏均認為德國有冠軍相。

而任達華則開心地表示估中賽果：「我估中打和同踢十二碼分勝負，阿根廷贏咗好開心！」一直睇好德國的他，堅持德國會奪冠：「德國今年踢得好好，最好係冇球星，唔使畀人盯死一個，成個Team都好團結！」至於一向是荷蘭擁躉的陳百祥在球場內直擊賽事，眼見荷蘭輸波，他坦言要轉軚改捧德國，望打破歐洲球隊從來未在南美奪冠的宿命。