盛品儒與「嫩口謝安琪」郭奕芯（Ashina）被爆情陷灣仔，盛品儒急向正印蔡一鳳箍煲，Ashina連日來則飽受壓力。有讀者爆料指她曾整容割雙眼皮及弄尖面形，又指她曾改名圖轉運，Ashina昨日接受電話訪問時說：「冇咁嘅事，由細到大個樣都冇乜變！」對於盛品儒指她當晚採取主動，她說：「我喺Facebook已經話希望告一段落，其實發生乜事大家心知肚明。我得18歲咋，唔想捲入太多是非，其實有好多嘢都冇講出嚟！」

Ashina自言年紀尚輕，不想捲入是非。

此外，她昨日在Facebook連發兩貼，暗示以後要帶眼識人：「不堅強也不軟弱，但最失望有些事，會令你看懂有些人，人生不過如此！」