無綫藝人楊斯雅（Cindy）早前到泰國布吉旅行，雖然當時沒有示威，但依然實施宵禁：「好得意，嗰啲酒吧十點前就叫你買定晒嘢飲，十點後就熄晒燈唔做生意，但啲遊客Keep住唔肯走。」因為連餐廳都一早打烊，加上她參加了兩個Day Tour須晨早7時出門，所以養成早睡早起的習慣。其中一日Cindy去了玩浮潛：「嗰度好淺水，一企起身個頭已經伸咗出嚟，但個樽重到我完全企唔到起身，要朋友幫手逗起個樽我先行到！」第二日則划艇到小島勇闖蝙蝠洞，相當刺激！

楊斯雅水着Look上陣，靚人靚景！

當地店舖相當有特「色」，點可以唔影番張相？

楊斯雅體驗被魚咬走腳部死皮，大呼有趣！

Cindy還到了巴東海灘大擦海鮮，在夜市裏有即叫即燒的海鮮燒烤檔，價格比香港便宜一半有多！這次旅行天公作美，陽光普照，但她不小心在沙灘睡着，曬到變黑炭，回港後即狂敷美白Mask！