靚女姚子羚（Elaine）皮膚白滑、身材苗條，保養有道的她原來當年在澳洲留學時是肥妹仔一名，她說：「當時我都成130磅重！因為喺嗰邊多數食垃圾食物，好彩過咗一年左右就習慣咗，體重慢慢回落番。」

姚子羚

飲食多菜少肉的姚子羚食出索爆身材！

姚子羚每兩星期都會行山一至兩次，親親大自然。

「瘦底」的她現時Keep住100磅體重，並笑言已步入另一階段的年齡，要Keep一Keep：「感覺到有啲嘢開始下垂，所以依家反而唔會諗體重，只係想Firm啲，我盡量兩個禮拜去一至兩次行山消耗吓卡路里，順便放鬆心情，另外就去做Gym踩腳踏機，仲減埋手臂！」

飲食方面，她表示吃得比以前清淡：「我唔會刻意唔食，不過戒咗牛，一嚟對環境唔好，二嚟對皮膚都唔好，而且因為我家姐食素，所以我都係多菜少肉。」接拍了一個美容瘦身廣告的她透露，會嘗試「做機」令Body更Firm。