楊千嬅日前與五位分別來自巴基斯坦及香港的五、六歲小女孩，為新片《五個小孩的校長》試戲。千嬅被女孩話喊就喊的演出，感動得眼濕濕：「班小朋友好聰明，認知同記憶力好強，比我想像中排得順利。我做咗媽咪，識得點同佢哋傾偈、熟落，套戲好有意思，我會畀Torres（囝囝）睇。（想Torres客串？）拍戲太辛苦，唔捨得！佢健康快樂成長，畀心機讀書，學到知識保護自己同幫助別人就夠！」導演關信輝則說：「呢套係5個小朋友再加1個大人版嘅小朋友──千嬅合演嘅戲，5個小朋友喺400個小朋友中選出嚟，表情、走位、明白劇本方面都做得好好，同千嬅嘅互動好有火花。拍小孩同動物難度高，但我唔擔心，希望帶呢套感人勵志充滿愛嘅電影畀大家！」

千嬅與五位小朋友試戲，大讚孩童聰明和記憶力強。