美籍華裔演員高聖遠與內地女星周迅公開戀情後，昨晚首度在港公開亮相，他大方承認與周迅有結婚打算。他又識做地大派定心丸，澄清早前公開合照的「柏煊Summer」與他只屬朋友關係！

高聖遠坦言有結婚打算，娶硬周迅入門！

周迅

樂基兒身穿長裙赴會，明艷照人。

周迅男友高聖遠、樂基兒（Gaile）及台灣型男高以翔，昨日來港出席溫哥華樓盤活動。高聖遠與周迅公開戀情後首度訪港，成為全場焦點，吸引大批傳媒追訪！

陳坤早前指高聖遠與周迅快將結婚，問到是否有結婚打算？高聖遠大方回應：「我哋希望係。（有冇計劃？）要睇吓，多謝大家對呢段感情咁有興趣。」他透露女友沒有與他一同來港，問到會否希望在溫哥華買樓築愛巢及組織家庭？他說：「時間會話畀大家知，我哋目前唔可以講實啲咩。」

另外，提到早前一名叫「柏煊Summer」的內地女子於微博上載合照，又表示「愛周迅就別來招惹」，因而惹來劈腿疑雲，高聖遠澄清：「肯定唔係前女友，我識佢，同佢只係朋友。」至於現時仍是前夫黎明公司旗下藝人的Gaile坦言，不清楚JW不欲續約的傳聞。另外，她自爆電話卡已壞掉，因而沒有電話用：「唔清楚公司嘅事，最近忙住做珠寶生意，所以唔可以答太多。」

高以翔買樓搵老婆

此外，高以翔昨午在發布會上大讚住宅美觀，有意預訂數間房子給家人居住，認真識做！他透露家人在加拿大有房子，自己在台灣亦有物業：「但多數的電影製作公司都在洛杉磯，覺得人在當地才有機會，在溫哥華置業與洛杉磯就比較近。」問到是否喜歡在不同地方置業？他透露喜歡在亞洲旅遊，拍戲時會逗留較長時間，期望在當地有自己的家。問到會否為房子找女主人？他坦言希望如此，但暫時以工作為先。

另外，他透露剛拍畢電影《婚禮日記》，片中與韓劇《來自星星的你》演員劉仁娜合作。