胡杏兒昨晚擔任翡翠首飾模特兒，不避嫌由傳緋聞的助手Jackie Chan陪同受訪，杏兒更幫忙擋駕拒絕合照，呵住「攣友」！

紅噹噹的胡杏兒似足新娘子，坦言非常恨嫁。

胡杏兒受訪時，「攣友」Jackie Chan（箭嘴示）在旁（目及）實。

前來欣賞展覽的戴凱欣碰巧與胡杏兒同場。

Mandy Lieu戴上天價翡翠首飾兼騷事業線，吸睛度爆燈！

胡杏兒、Mandy Lieu和姚書軼等昨晚為翡翠首飾展覽行天橋，以火紅Low Cut晚裝上陣的杏兒，造型猶如新娘一樣，嫁杏尚未有期的她在現場卻為感情事忙碌應對，最近有報道指她與「攣友」助手Jackie Chan爆緋聞，她受訪時否認攣情，Jackie Chan亦在一旁陪同受訪，記者要求二人合照時，杏兒為顧及其感受，以對方並非圈中人為由而拒絕：「我今日戴上過億元翡翠行天橋，造型好似結婚咁，我都好想有呢一日，不過如果繼續咁寫（攣情）就冇呢一日，我會冇人要，我好用心等真命天子出現！」

同場更見杏兒舊愛黃宗澤（Bosco）的緋聞女友戴凱欣，但二人未有碰頭，杏兒被追問可知Bosco與戴凱欣的緋聞時，她即說：「唔知喎！唔知佢哋啲緋聞！」

Mandy等收嫁妝

而戴上天價翡翠首飾的Mandy Lieu表示，獲契媽準備了一條配有翡翠的腰封作為其嫁妝：「我一直吼住！唔結婚咪唔使畀？（急住結婚？）咁又唔急！我唔似細佬咁快已結咗婚！」曬得一身黝黑肌膚的Mandy Lieu透露早前到峇里工作兼行山，即被取笑問可有與人一齊Gathering行山？她笑說：「冇人同我Gathering。（對林芊妤殘廁Gathering一事點睇？）鍾意做乜都得，只要唔好畀人影到就得。（試過？）你哋有冇影到呢？我哋Gathering係好Private嘅！」