陳爽托咪抗下垂
索爆人妻陳爽懷孕三個多月，不休息之餘，更拋胸出席活動搵奶粉錢，她更直認有孕後上圍升Cup，連去廁所都要用手托住一對咪咪，以防下垂！
腳踏三吋高踭鞋的爽爽以披肩遮肚，保護腹中塊肉。
爽爽俯身玩遊戲時露出豐滿上圍，大施人妻誘惑！
爽爽有喜，老公即刻對她百般呵護！
前華姐陳爽自2012年下嫁金融才俊梁梓軒後便減少工作，不過成為人妻後，爽爽仍毫不吝嗇驕人身段，經常性感示人。日前宣布造人成功的她，昨日在尖沙咀出席活動，懷孕三個多月的爽爽依然穿上Depp V短裙，大方露出兩吋事業線和大騷美腿，更穿上三吋船踭高踭鞋，施展「人妻的誘惑」！不過出場時，爽爽以披肩遮肚，明顯怕被碰撞，對腹中寶貝萬分呵護。
女王上身使盡老公
幸福滿瀉的爽爽透露，老公現在對她呵護備至：「好似有特權，唔使做！（當你係女王？）佢不嬲都對我好，依家就更加，使佢都冇怨言！」 談及同樣有喜的呂慧儀連升兩Cup，爽爽笑言亦有「升Cup煩惱」：「係豐滿咗少少，喺屋企唔戴Bra，去廁所都要用手托住（乳房），驚會下垂！」
肚凸凸的爽爽又自爆胃口大增，但要戒食魚生：「懷孕之前覺得可以想食乜就食乜，依家夜晚想食就食，都有啲安慰。（有冇不適？）BB同我好夾，得一、兩次朝早唔舒服，好好彩！」 她稱不介意BB性別，男女一樣鍾意，稍後便會停工，專心安胎。
