人妻鄭希怡又多一個身份，豪擲百萬殺入時裝界做星級老闆。為了幫新開的網上時裝店省靚招牌，她開玩笑地表示會獻出50吋長腿和36E「導彈」，親自示範自選靚衫，更不惜「拋頭露面」做跑腿，為客人送上從各地搜羅的最新潮服。

Yumiko笑言會出動長腿和「導彈」做生招牌。

榮升老闆娘的Yumiko笑言會做「外賣妹」。（資料圖片）

張韶涵與網絡商合作開網店做生意。

鄭希怡（Yumiko）進軍老闆行列，自掏腰包投資7位數字和一名女性朋友開設網上時裝店「whysocool」，明天正式開張大吉。榮升星級老闆娘的Yumiko坦言夢想成真：「幾年前已經想開，但因為工作忙一拖再拖，直到結咗婚清閒啲，喺老公鼓勵下終於跨出第一步。」

張韶涵「快、狠、準」

首次做老闆的Yumiko絕對親力親為，親自到日本、韓國、台灣及泰國搜羅靚衫，更保證所有靚衫物超所值：「唔一定貴，幾百蚊都有，我對象係16至86歲！」她對新店充滿信心，皆因有獨家賣點，除了自己做生招牌示範如何配襯靚衫外，更做埋「外賣妹」送貨，她開玩笑地說：「最大賣點梗係有我做Model，我有50幾吋長腿同36E大波身材喎！而且喺酬賓周，時間許可嘅話我會親自送衫畀客人。」她更雄心壯志表示會作多元化發展，有意稍後涉足明星二手衫買賣：「相信好姊妹祖兒、阿Sa、阿嬌一定會支持我畀衫我賣。」

除Yumiko外，去年設立自創品牌開鞋店的台灣女星張韶涵昨日在台灣出席活動，正式與網絡商合作，開網店做生意。身為總監的她自爆樂於做宅女，足不出戶就能透過網上購物解決衣、食的需要，更自豪地笑說：「我可以整整一個月都不用出門！」她又分享網購心得，指要「快、狠、準」買下心頭好。

陳靜儀賣平價衫

此外，模媽陳靜儀（Mia）近日亦積極搞網上賣衫生意，更親自做生招牌。對於網上賣平價衫，Mia說：「密食當三番嘛！其實都幾好搵，都有幾萬蚊生意，都係小本生意，希望愈做愈大！」而Mia早前獲內地節目《媽媽咪呀》邀請參加比賽，在節目中透露三年前在娛樂圈突然消失是因為父親患末期癌症，事件令評審張栢芝亦被感動。同樣經營網上時裝店的周柏豪指最大困難是時間掌握，因要兼顧演藝工作，做生意便要犧牲休息時間，他表示力求完美和進步，故品牌的風格、市場定位和貨品質素也花了他很多精神和體力。