婚後絕少傳緋聞的鄭中基，最近卻「打爛齋缽」，被指背妻與自編自導電影的女主角陳法拉撻着，太太余思敏和法拉昨日分別否認事件，並同聲直斥緋聞太假！

法拉指自己的白髮造型硬照花了約3小時才完成，要洗完頭才敢回家，因她擔心嚇壞人。

余思敏表明信任老公鄭中基。

鄭中基

Super Girls和蔡穎恩出席化妝藝術展。

蔡穎恩

吳千語表示曾買Cupcake探男友林峯班。

陳法拉、吳千語和蔡穎恩等昨日出席化妝藝術展，提到最近在長洲拍攝鄭中基自編自導的電影《神秘寶藏》時與對方傳緋聞，法拉坦言大感無奈：「冇嘢好講，好無奈！有啲唔開心，咁多年都有咁無聊嘅嘢，只係開工幾日。」她坦言有放心機工作，工作得很開心。提到鄭中基在微博爆粗回應事件，法拉說：「（緋聞）太無中生有，唔好影響拍喜劇氣氛，完全冇影響心情。（向佢太太解釋？）唔使，大家明，太假。（同鄭中基仲有對手戲？）有好多，唔會尷尬。男角仲有黃子華。（到時又傳緋聞？）好無奈。」提到有指鄭中基點名捧她？法拉指沒有捧不捧，自己一人分飾兩角，只會把握機會，做好角色。

保留追究權利

此外，法拉自爆其相片在馬來西亞被盜用作「大耳窿」的代言照，並自嘲可能樣子夠惡，幸好當地已拆除該廣告，原來她在外地還試過被盜用相片做榴槤攤檔及絲襪的代言人。

另一邊廂，鄭中基太太余思敏昨日出席另一活動，對於老公被指暗撻法拉，她說：「咁畀面？有封面。（同老公傾過？）其實係老公話畀我聽。（佢哋四日喺長洲拍戲，你驚唔驚？）件事好假，拍完四日，之後又有兩個月返內地，佢又唔係第一次拍戲，唔係第一次有女主角。」余思敏力撐老公之餘，亦表示會信任老公：「你哋都唔會信呢件事啦！太假。（老公好嬲？）係呀！佢又做導演、又做演員，好辛苦，佢好勤力，做到好攰，擺好多精神，但依家朦朧咗件事。」她稱不認識法拉，也不會聯絡對方，但會對不實報道保留追究權利，又稱老公曾邀請她探班，只是她怕騷擾到其他人而作罷。

吳千語被問到佘詩曼踢爆她曾到片場探林峯班，千語坦言去過兩次：「見佢辛苦，我拎埋Cupcake同飲品去，阿佘都喺度。（佢哋當你係阿嫂？）唔係，我好靜，會坐喺車等佢。（感情戲就監場？）唔係，多數拍街景先去。」提到阿佘曾與林峯傳緋聞？她說：「都係作出嚟。（有阿佘先去探班？）唔係。（怕男友緋聞？）唔係。（百分百信任？）大家都明。」