麻煩女星蘭茜露漢（Lindsay Lohan）一向言行出位，她於真人騷最後一集中，突然自爆於拍攝期間突然消失兩星期的原因竟然是流產，消息一出震驚荷里活！

蘭茜接受戒療後，獲名嘴奧普拉（Oprah Winfrey）帶挈拍真人騷《Lindsay》，將於本周日播出的最後一集中，蘭茜被問到拍攝感受時，突然自爆曾流產，更講到聲淚俱下：「冇人知道呢件事，拍攝中間嗰兩個禮拜休息時間，我經歷過流產，成件事一匹布咁長，節目入面嘅人話我唔合作，但呢個就係我做唔到嘅原因，我非常唔舒服，精神上相當困擾！」她透露看見節目播出時很難過，覺得節目裏的自己很悲哀及無助，又指觀眾最喜歡看她流淚，不過沒有公開經手人是何方神聖。

蘭茜亦談到其毒癮問題：「我唔係專登去白白浪費我嘅努力，係毒癮令到我咁，呢種係非常X街同恐怖嘅病毒，有人話我食過某啲毒品，但我根本冇掂過！」最後她重申現在過得很快樂，更指拍完真人騷後令她重拾對工作的一團火。而蘭茜阿媽甸娜未有回應事件，僅於Twitter留言：「奧普拉打畀我。」

殘爆睇「霸王舞」

雖然蘭茜自爆流產令人同情，但其負面新聞仍源源不絕，有報道指她於本月初在曼哈頓私竇參加派對，期間要求一名半裸脫衣舞孃連續為她跳三隻舞，卻沒有付任何貼士，有目擊者指蘭茜當晚蓬頭垢面，十分憔悴，對方更叫蘭茜再接受戒療。