藝人黃秋生及蘇玉華等前晚現身尖沙咀為無綫節目《燭光晚餐》拍攝最後一集，問秋生會否「添食」拍續集，他說：「唔添喇！（唔捨得？）想快啲完呀！因為舞台劇嗰邊踢晒腳，劇組日日有人受傷！有個舞蹈員跣親，軒仔又肺炎，不過佢因為咁而唔使減肥，更符合個角色。」他又擔心不夠時間排戲：「少時間練就會唔熟。（發夢都識背台詞？）壓力好大，成日發暴力同血腥嘅夢。（完騷放假？）去TVB開劇當係放假！」

黃秋生雖與黎芷珊合作愉快，但卻表示不會拍《燭》續集。

蘇玉華自爆與男友同居。

此外，蘇玉華男友潘燦良日前勇奪舞台劇劇帝時在台上深情表白，蘇玉華自爆好冧：「多謝佢咁公開多謝我。（好冧？）都冧嘅。（慶祝？）去食消夜，開心到癲咗！（獎勵？）下星期會去旅行！我為佢感到驕傲！不過我背後嘅功勞都唔少！（同居？）係，我哋一齊住！（幾時結婚？）幾時嫁我都唔知！」