楊秀惠最近投資七位數字在銅鑼灣開設售賣代理的意大利美容產品「That'so」的樓上舖，今次開舖做老闆娘，她表示全屬機緣巧合：「上年原本去新加坡傾做產品代言人，試過產品之後，代言人就傾唔成，但攞咗個代理權嚟做。自己未做過生意，所以佢哋當初都有啲質疑，後來用誠意傾咗半年先傾成。」

楊秀惠新舖試業，稍後再擇吉日開張。

投入美容產品生意的楊秀惠，近日忙在店內打點。

楊秀惠

由搵舖、裝修到入貨，楊秀惠皆親力親為，近日試業更是忙個不停，每日只能睡三小時，但她愈做愈起勁。要同時兼顧生意及即將開拍的新劇，楊秀惠笑說：「做生意就一定辛苦要落手落腳，都有同公司講咗開舖，公司好有人情味話會互相配合，遲啲買張梳化床放喺辦公室，拍劇收工就過嚟舖頭，同埋爭取時間休息。（預計幾時回本？）老竇話做生意最緊要有良心，回本就遲啲再諗啦！」