金秀賢襲港威力驚人，有份出席的丁子高笑言屆時可以一睹「亞豬妹」追韓星的熱情：「其實有唔少客戶都想搵金秀賢出席活動，但仲傾緊。」他又踢爆同是「星迷」的老婆楊千嬅未能出席，所以他有機會合照的話，會給老婆「欣賞」！提到一家三口，他們前日便趁假期到郊區遊樂，親親大自然。

丁子高一家三口郊遊，當安慰冇得追「星」的千嬅。

周秀娜太忙未能出席，希望將來有機會與金秀賢合作。

同樣有份出席的名模姚書軼自認是「星迷」，激讚「都教授」金秀賢：「佢係個好有才華、年輕、有演技、勤力同形象正義嘅演員！一知道可以近距離見到佢就好開心，開心咗成個禮拜！睇新聞講好似佢有幾十個保鏢，相信好難合照，如果影到當然最好啦！」歐陽妙芝則笑言出席時會向金秀賢示愛，還會以最佳狀態追「星」。

而因有事忙未能追「星」的周秀娜未有氣餒．她說：「話唔定之後同佢有機會合作，到時就可以慢慢同佢溝通。」