跑步前後必須做好拉筋等熱身運動，鄭融呢招一字馬拉筋就係最好嘅示範。
一出道就以22吋小蠻腰見稱的鄭融，向來都細細粒夠「的骰」，不過她也有「全盛時期」。曾一度暴肥十多磅的她，由「小腰精」變成水桶腰，更被網民取笑她的小肚腩。為了去年兩場個唱，鄭融終於的起心肝踢走「肥師奶」污名，做瑜伽及跑步雙管齊下，令蛇腰再現人前！
鄭融（右）孖住徐濠縈練跑，唔知有冇跟有「肯亞徐」之稱嘅阿徐學番一招半式呢？
要踢走肥肉，少一點毅力也不行，鄭融分享收身心得：「我平均一星期跑3次，每次最少4公里，做演唱會嗰期跑得仲勁，一星期至少跑4日，分別跑6公里同10公里，短短2個月就減咗12磅！」她更上載與好友徐濠縈齊齊練跑的照片大晒成果！最近她又迷上做瑜伽，經常與林德信及林子萱（Kiki）三人行，更不時在微博大晒Fit到漏的身材。
