電台DJ唐劍康（Donald）於上周二開始舉行一連13場的棟篤笑，吸引不少圈中好友撐場做嘉賓，有官恩娜示範烈女式鬧交語氣，再有羅力威的「無聲笑彈」，還有方力申和鄭融分享激嬲阿媽事件都贏得全場笑聲。

官恩娜在Donald的棟篤笑上表演「烈女式鬧交」，令觀眾笑爆嘴。

方力申自爆小時曾激喊阿媽。

少說話的羅力威原來也很會搞Gag。

每場Donald會與嘉賓分享當女人的秘密及家庭事，而官恩娜（Ella）做嘉賓的一場，被Donald問到擇偶條件，Ella搞笑說：「如果男朋友唔聽我支笛又或者做唔到我要求，咪飛咗佢囉。」Ella說太多人誤會其男友，她澄清男友是Mix而非外國人，是醫生而不是獸醫。講到若和Mix男友鬧交，Ella即扮鬧交語氣變聲說：「I Don't Care！」其烈女風範贏得全場掌聲，十分搞笑。

至於平日少說話的羅力威原來內藏笑彈，說到很多DJ覺得他說話柔弱，平日又是否一樣？阿威則說：「我平時好少講嘢好大聲，我一個人住，唔想太大聲畀人知道我住邊！（咁坐小巴點叫落車？）通常我落車都會有人落，所以我唔使嗌落車。」搞到Donald對阿威的「無聲笑彈」都要扯白旗投降。

方力申激喊阿媽

另外，方力申和鄭融則分享小時候激嬲母親事件，小方自爆小時被母親氹去箍牙，因箍完牙又痛又痹，忍不住向阿媽發脾氣而搞喊阿媽。而鄭融則表示當年陪同學仔穿耳窿，但同學仔只穿一隻耳窿，她覺得不要蝕底，便穿夠一對耳窿，怎料回家後母親竟喊着說很心痛，嚇得她至今仍記憶猶新。