黃翠如在劇集《愛我請留言》中與洪永城飾演拍拖多年的平淡情侶，最後無疾而終，黃翠如說：「有劇中類似經歷，當時發覺對方好冷淡，但又搵唔到問題同原因，試過坐喺馬路度喊，後來先發現有第三者，呢啲可能係現代人嘅愛情，愛情好難維持新鮮感。」

黃翠如對孭飛新劇收視沒有壓力。

受過情傷的黃翠如坦言對愛情有保留，但今次拍劇卻上了一課，劇中她甩拖後喜歡上育有一女的黃浩然，但對方怕女兒成為其負擔而採取迴避，她說：「愛情係要及時去愛，嗰刻猶豫唔去珍惜就會白白錯過。」

問到如何為愛情保鮮？黃翠如說：「最緊要係保持童心，人大咗連愛情都變成計算，最好唔好諗太多，雖然我成日係被飛嗰個，但都欣賞自己咁蠢，我真係好蠢，拍拖遇到第三者，通常都係最後一個知，我諗要搵一個同我一樣咁蠢先得，哈哈。」