無綫藝員黃穎君（Burmie）早前與同為基督徒的苟芸慧飯敍，她說：「見到苟姑娘成個Sharp晒，戥佢高興！之前佢身體唔舒服返加拿大休息，嗰排都好擔心佢，有為佢禱告，好明白心急減肥嘅壓力，但減肥方法要正確，我係好為食又難忍口，所以花咗好多時間喺『減肥事業』上，依家見佢瘦得到，我都好羨慕，仲打聽佢用咩方法。（佢有冇呻負面新聞搞到唔開心？）做藝人其實要接受呢樣嘢，有新聞好過冇新聞，最重要係唔好畀啲唔開心嘢影響到心情！」

黃穎君喜見苟芸慧（左）重拾自信。