鄭融化身俏Miss，走入大學校園與學生哥分享入行多年來的點滴。首次在校園「講Talk」的鄭融大呼感覺新鮮，更不怕重提事業低潮，又感恩在分享中與學生互有得着，真正做到「終身學習」！

鄭融變身俏Miss走進大學上課。

下課後鄭融（左）當然唔少得同真Miss來張合照啦。

鄭融為上好這一堂而做了不少資料搜集。

和學生打成一片的鄭融表示大有得着。

鄭融早前以嘉賓身份到大學與大學生「上課」，在課堂中分享在娛樂圈多年來的點滴兼解答學生的提問，更勉勵學生要努力追尋一份有興趣的工作。落堂後鄭Miss又和學生逐一合照，非常受歡迎。

鄭融表示這是她首次走入大學分享，見到一眾年輕學生哥感到十分開心：「分享同我工作有關嘅嘢，第一次有咁嘅機會同同學傾偈，覺得好榮幸、好開心，年輕人真係好可愛。」問到見到一班年輕人會否突然覺得自己老了？她說：「冇諗大過佢哋幾多年，雖然冇返學好多年，但求知欲仲好大，其實大家喺唔同環境學習緊。」

分享事業低潮

她又表示當初得知要與學生分享時感到有壓力，亦上網做足資料搜集「備課」，問她曾否擔心分享會流於說教形式？她說：「好多嘢學生識嘅比我多，我嘅分享純粹個人睇法，絕對唔係說教。每個人有唔同諗法，有機會聽吓唔同人嘅嘢都幾開心。」

問到若在學生面前暢談事業低潮會否開不了口？鄭融大方地說：「做任何行業都係一樣，要經常去反思，可能有時做錯咗，但咁樣係一個好嘅學習同認識自我嘅經驗，都唔抗拒去講。」

她又表示除了解答學生問題外，也從學生身上有所得着：「好多謝學生對我嘅包容，如果再有呢啲咁好嘅機會都會出席，透過佢哋嘅問題，大家互相透過唔同嘅角度思考而有所得着，同學生交流嘅機會好寶貴。」