王祖藍早前於電影夥拍杜汶澤、詹瑞文及童菲等，上演魔鬼與天使的搞笑對決，他更難忘被「醒」臨時加拍一場咀阿伯的戲！

搞笑形象深入民心，祖藍認為最緊要觀眾Like。

祖藍大讚杜汶澤（右）對電影的熱情。

祖藍與童菲有不少對手戲。

新一代笑星王祖藍的扮嘢、搞笑形象深入民心，早前於電影《黑色喜劇》中化身警察，打造搞笑的「魔鬼天使對決」！祖藍說：「故事係講一個生活唔如意嘅警察，為咗過更好嘅生活、識更好嘅女朋友，將靈魂賣咗畀魔鬼（杜汶澤），做咗一連串搞笑事出嚟！」

祖藍笑指該片是「杜汶澤的遺作」，他解釋：「套戲係阿澤減肥前最後一套戲，如果想睇佢個大肚腩，就一定要睇啦！」接着讚對方的電影觸覺：「佢拍電影資歷比我深，好識照顧人，佢唔擔心其他人嘅角色會搶戲，反而會諗好多戲加喺我身上，令成個效果好睇好多！」祖藍又大爆杜汶澤臨時加了一幕「咀戲」給他，他說：「佢拍拍吓臨時加場咀阿伯嘅戲！（真係咀？）咀咗，個阿伯連牙都冇o架！我真係多謝晒杜汶澤！其實我好佩服佢，記得其中一場戲係喺西洋菜街拍沖涼戲，佢真係喺條街度沖涼！」

用搞笑服侍觀眾

問到有否艷福不淺的戲？祖藍說：「同童菲有對手戲，戲中我有好多女朋友，有純情、有野性等，但全部都係童菲去做！」他表示當初王晶找他拍戲時曾說：「我知你係教徒，啲衰嘢全部畀晒阿澤拍！」問到會否轉型拍其他片種？祖藍指搞笑已是其形象，而且喜劇有很多種，可以是笑中有淚，他認為觀眾喜歡的是他搞笑的一面，並說：「要服侍觀眾嘛！」