麥浚龍首次執導電影《殭屍》便成功提名9項香港電影金像獎，包括角逐「新進導演」獎。他表示一切以平常心看待，對於「新進導演」一獎有信心，但對其電影的陳友和鮑起靜贏最佳男、女配角更有信心。

對於《殭》片的成功，麥浚龍坦言感到滿足。

麥浚龍（左）首次執導便橫掃金像獎多項提名，認真可喜可賀！

鮑起靜憑《殭屍》一片入圍最佳女配角。

麥浚龍（Juno）首次執導的電影《殭屍》在港票房大收近1,700萬港元，令他成功榮升千萬票房導演。電影同時受到國際關注，美國、德國和日本稍後都會上映，他說：「內地都有興趣，但我哋要再剪另一個版本去審批。」

童年情意結

對於《殭》片的成功，Juno說：「成件事由參與威尼斯影展到金像獎有9項提名，我已經相當滿足。最開心係替電影演員同幕後所有工作人員開心，過往影展我都隻身出席，金像獎今次係對團隊一個肯定。」問到有否信心脫穎而出勇奪「新進導演」獎？Juno表示以平常心去看待：「有信心，但我對我電影演員更有信心，對陳友同鮑起靜都相當有信心。」

麥浚龍對於今年入圍「新進導演」獎感到十分榮幸，因2013年是近5、6年最多新導演湧現的一年，是一件令人開心的事：「舊年有14個新導演，我好榮幸喺今年成功入圍金像獎三個候選人之一，但同時又覺得好殘酷，因為其他都係今年好出色嘅新導演，都拍咗好出色嘅電影，唔能夠因為咁而抹殺佢哋嘅實力。」Juno又坦言《殭》片滿足了他所要做的，因為殭屍題材正是他童年時的情意結：「慶功當晚有同事同我講，市面上已有十幾套以殭屍為題材嘅電影開拍。我開心唔係因為有幾多部殭屍題材電影開拍，而係香港電影題材又闊咗，係一件好健康嘅事。」