角逐金像影后的新進女星顏卓靈，昨日到旺角出席電訊公司one2free推出全新服務的活動。她表示戰衣以健康為主，不會性感，最多只露手臂。

顏卓靈與好友一起不介意搞笑，但工作時會變得謹言慎行。

小方和顏卓靈到旺角出席one2free活動。

顏卓靈（左起）與湯唯及章子怡等巨星齊齊入圍金像獎影后，令她大感興奮。

現年20歲的顏卓靈（Cherry）憑跳舞電影人氣急升，近月先後榮獲台灣金馬獎及香港電影金像獎影后提名！她昨日與方力申到旺角出席電訊公司one2free推出全新服務的活動時透露，即將會為周日舉行的金像獎試衫：「未知係咩衫，但估計唔會點性感，最多只係露手臂，以健康為主。」比較上次在台灣出席金馬獎，她稱今次與眾戲中演員一同出席，心情放鬆不少：「有咁多人一齊行放心晒。」

放棄集郵機會

Cherry多演活潑開朗的角色，但現實中若遇到相熟友人，會變得低B無極限：「我會同朋友突然喺街上跳舞，好多廣告客戶都鍾意我發晒癲咁，想我演繹好High嘅角色。」

但平日傻更更的Cherry一工作便會變得謹言慎行，有時會變得慢熱被動，難怪曾被誤為冷漠及「唔識做」：「對住唔熟嘅人我只會點頭微笑，就算之前喺金馬獎都冇周圍集郵，冇自我介紹i撈，唔知人哋識唔識我吖嘛！但依家覺得應該試吓，下次見到鍾意嘅前輩好似劉青雲咁，會傻更更咁主動打聲招呼，呢個圈好細，應該向前輩取經多啲。」

性格如此極端，難怪Cherry自言適合演精神分裂的角色：「我諗我演繹多重性格會幾在行，其實年輕女仔角色唔太多，咩機會都會把握！希望有導演揀我做啲成熟、外形特別嘅角色，我相信化妝同演技可以解決到。」