陳豪及胡杏兒昨日於太子拍攝無綫新劇，以Hea爆造型現身的阿Mo指近日工作忙碌少見家人，但一提到老婆隔空傳相進行親子活動時即冧爆甜笑！

陳豪以只摺一邊褲腳的Hea爆造型現身，非常新潮！。

當談及老婆與囝囝時，陳豪的Sweet爆笑容亦感染了胡杏兒！

陳豪（阿Mo）及胡杏兒昨晨在太子拍攝無綫新劇《陪著你走》，自言「幸福咗少少」的阿Mo以Hea爆造型登場，雙眼又紅又腫的他坦言近日通告非常密：「Chur得好勁，日踩夜踩！（冇時間見囝囝？）係，唔會好掛住，做嘢盡量唔諗！」不過一講到老婆陳茵媺經常傳囝囝照片給他時，他即時甜笑現冧樣！而飾演視障人士的杏兒表示很滿意導盲犬拍檔，並大讚乖巧。

有良心冇鬧PA

問到早前胡定欣在微博回應網民的惡意批評，希望他們不以低俗用字傷人，陳豪雖然不知情，但強調不介意批評：「最緊要對得起自己良心！我會理性分析，有缺點就改，但如果無理取鬧，就一笑置之！」談及有前無綫PA出書鬧無綫時，阿Mo和杏兒異口同聲指從不用粗口鬧PA。