張家輝在英皇電影《魔警》中飾演「鬼王黨」悍匪首腦，今次攞正牌大開殺戒的家輝，號稱演出入行以來最兇狠的角色！在一場森林追逐戲中，他擊殺同黨梁焯滿，最後以翻啄將對方「埋單」，更回頭露出陰森微笑，合作多年的導演林超賢亦對他的突破表示驚艷：「識佢咁多年，都唔知佢可以咁狼死！」據知翻啄非常笨重，二人「持械打鬥」非常驚險，就連鮮有同場演出的吳彥祖（Daniel）亦表示，感受到家輝演技「有Power」！

張家輝在《魔警》扮演兇狠角色，但昨日現身北京首映時卻扮鬼臉！

張家輝

《魔警》昨日於北京舉行盛大首映，主辦方更精心準備了Daniel的香艷片段，在電影中半裸上陣的他因自責而不斷以鞭子抽打「玉背」，以致留下多道血痕，現場女粉絲大呼心疼！張家輝與Daniel更在現場扮鬼臉炒熱氣氛，家輝亦搞笑地表示已向導演林超賢要求加床戲，而Daniel聞言即笑指「冇所謂」！另外，家輝又表示這次演出有突破，笑言必須珍藏，但擔心被女兒看到。