憑一套跳舞電影彈起的影壇新貴Babyjohn（蔡瀚億），前日在九龍灣出席簽約儀式，正式加盟蕭定一的電影公司「中國3D數碼娛樂」，經理人黃美芬及一眾恩師包括歌唱老師張崇德、演藝學院導師伍潔恩及導演黃修平等亦有到場支持。Babyjohn透露將參演動作片：「學過太極，都叫食過吓夜粥，依家最需要增肥！（請教增肥成功嘅張建聲？）佢手腳仲好瘦，似大肚婆咋喎！」他指已跟老闆「傾掂數」不接拍色情片，又指與太太無關：「係我唔想，我咁嘅身形盞畀人笑！但點叫色情就要到時睇劇本。」蕭定一則希望將Babyjohn打造成下一個周星馳，考慮到其宗教信仰，故不安排他參演三級色情電影。

成功泊得蕭定一（右）碼頭的Babyjohn，有信心應付打戲。

四出張羅戰衣的惠英紅（右）搵埋妹妹幫眼。

另外，有份角逐金像獎「最佳女配角」的惠英紅，昨日與妹妹現身中環，似為頒獎禮置裝，她在百貨公司揀衫時專攻靚鞋，左試右試一輪才離開。