國際巨星成龍連日來在各地慶祝60大壽，昨晚獲好友曾志偉為他壓軸炮製生日派對，半百圈中好友聚首清水灣邵氏影城，成龍揚言生日願望是繼續做善事及拍好戲！

成龍透露收到以一萬個「龍」字製成的畫及景泰藍花瓶等禮物，稍後會捐出拍賣作慈善用途。

楊受成

張學友

成龍在台上與好友志偉等切蛋糕。

鍾舒漫（左）、吳浩康

莫文蔚

任達華

空手到賀的曾志偉甫現身即引起哄動！

志偉與成龍在台上唱雙簧搞氣氛！

入口放了成龍於電影《A計劃續集》造型的人形紙牌。

身家逾22億元的成龍於本月七日60歲生日，昨晚志偉為他大搞私人派對，半百圈中好友及名人包括英皇電影老闆楊受成、無綫老闆陳國強、譚詠麟（阿倫）、張學友、楊千嬅夫婦、莫文蔚及任達華等有份出席，其妻林鳳嬌及兒子房祖名則因身在內地而缺席。

由於是私人派對，藝人名人按大會名單才可進場，連經理人及助手都冇份參與，務求玩得盡興，但仍吸引大批傳媒採訪，更有人衝出馬路拍照，幸未有發生意外。活動於五時半開始，陳芷菁及吳家樂先向記者派壽包和飲品，並指將以自助餐進行，成龍會上台話當年及抽獎，學友和阿倫則上台唱歌。

至六時許，成龍親自駕車到場，惹來一陣哄動，其後受訪時大讚志偉是好兄弟，自爆因連日出席生日會而大感疲倦，又笑說：「因為要向有關當局申請，當局話不如唔好搞，不過見係我咋！本來想去新加坡搞，但場地要我畀200萬坡幣（逾千萬港元），倒不如捐出去啦！」成龍又指總策劃其實是林鳳嬌，問到如何報答愛妻，他說：「唔使啦！佢仲喺上海幫我照顧緊台灣影迷，聽日（今日）我就飛去內地拍李仁廣新戲，成六百幾人等住我開工！」

學友空手獻聲

提到生日願望，成龍表示會繼續做善事及拍戲，昨晚他又送出電單車、電動車及名錶等作抽獎，問到會否不醉無歸，他說：「未知，但都攞咗啲酒嚟等大家開心吓。」至於志偉表示大家不用送禮給成龍，因對方甚麼都有，問到有甚麼驚喜給對方，他笑說：「我唔飲醉囉！」獨自到場的學友被問到是否會唱歌，他說：「係咩？唱囉！（送禮？）唔使啦！佢連私人飛機都有。」