江美儀對於無綫以她早前的遭遇發短訊給各藝員叫大家要小心接電話，江美儀大表贊同：「公司提醒大家係啱o架，依家我都唔敢接電話，會叫男朋友聽咗先，其實雖然我唔認同食得鹹魚抵得渴呢句說話，但如果啲報道話我唔化妝、話我乜都冇所謂，但如果利用我去攻擊其他人，就萬萬不能，之前我唔舒服，公司好好，畀時間我休息，復工之後，《使徒行者》嘅劇組亦盡量遷就我嘅身體狀況，要大郁動嘅都唔需要我做，本來好好一件事，被寫到完全本末倒置，咁好唔應該，我亦需要出嚟講番清楚。」

江美儀不滿被利用攻擊其他人，指內容失實完全本末倒置。

提到前無綫PA力數無綫，美儀覺得工作辛不辛苦很見仁見智，她因喜歡這份工作，所以一點也不覺得辛苦，而藝人對PA的態度，美儀說：「其他我唔能夠代表評論，但我就對佢哋好好，大家係同事，好似一家人咁，一齊玩一齊食嘢，唔會分彼此。」