盧巧音日前亮相有線節目，自爆曾兩度患上甲狀腺疾病而影響生活與工作，更自揭曾經飽受腦炎折磨，她笑言健康最重要，婚後更有計劃生BB！

盧巧音（右）錄影有線節目，與廖碧兒分享人生經歷。

盧巧音希望調理好身體，將來與老公Kolor主音Sammy生BB 。

歌手盧巧音 （Candy） 日前亮相有線的保健養生節目，與主持人和廖碧兒分享人生經歷，更自爆曾兩度受甲狀腺疾病困擾！

眼球不受控

當年剛完成專上學院課程的她經常失眠及手震影響生活，後來確診患病令情緒很差：「甲狀腺素分泌過高會令人一日食五餐都唔肥，仲要脾氣差！」入行後Candy不幸再次發病，更驚現脫髮徵狀，因當時參演多部電影而陷入困境：「最辛苦係今次患病甩晒啲頭髮，連眼眉毛都冇埋！我估當時好多劇組人員都知道我係戴假髮做戲。」

雖然又再戰勝病魔，但後來Candy竟又患上腦炎：「有日突然控制唔到自己對眼，對眼球直頭郁唔到！即刻搵醫生做好多檢查，竟然發現患咗腦炎，呢個病通常係5、60歲上咗年紀嘅人先會有，嗰時對我打擊好大！」

經歷過多次病痛的折磨後，Candy學會珍惜眼前人，現時定期會到醫院驗血檢查，平日亦注重身體調理。她又表示婚後有計劃生育：「我想生BB，但都係隨緣啦！依家希望調理好身體，唔止係為咗生育，身體健康都好重要！」