模特兒莊思敏昨日露小蠻腰出席首映禮，以前沒刻意Keep Fit的她笑指現時因為工作食量增多：「依家要靠着衫去睇有冇肥到！」貪靚的她又自爆曾偷用媽咪唇膏而被責罵：「啲唇膏好易斷，整爛咗畀媽咪鬧！以前妹妹都拎過我支唇膏用，最後整爛咗，好嬲，買唔番！同埋我認為唇膏係好私人嘅嘢。」

莊思敏性感露纖腰現身，非常吸睛！

身穿透視裝露Bra的鄭融表示男友不介意她作性感打扮！

而穿上透視裝露Bra的鄭融則表示男友不會怪她打扮性感：「佢只會話靚同唔靚，同埋問點解見佢時嘅打扮同出席公開活動時會唔同，因為我平時習慣着T恤見佢！（佢暗示要着得性感畀佢睇？）唔會理佢，打扮好花精力，等到同佢一齊出席朋友結婚時我先打扮，反而佢會開心啲！」