藝人黃美棋及吳浩康前晚出席《UA院線旺角新世紀廣場Cine Grand Century》開幕禮及電影《美國隊長2》首映禮，美棋日前在微博透露因拍戲而被遮光板的鐵架「揼親」下唇，她表示幸好沒有破相：「不過我好驚，個嘴腫晒，監製話買咗2千萬保險叫我唔使怕，我叫佢將嗰啲錢畀我整容，好彩用冰敷完冇事！」

自爆多人追的黃美棋日前下唇受傷，心痛死一眾粉絲！

她笑指冇男仔錫番，卻開心承認有追求者：「終於都有喇！圈內同圈外人都有嘅！」

至於吳浩康則表示有留意同公司的杜汶澤日前激嬲容祖兒一事，但認為第三者不應加把口，又指不會做和事老：「一個係前輩，一個係師姐，佢哋有絕對成熟度去處理，唔好咁多嘴做塘邊鶴！」