「第四代Canon甜心」Alice B.、「天氣小姐」黃婉曼（Icy）及新鴻基地產代理租務總經理馮秀炎，昨日出席apm潮人復活藝術館活動。Alice透露近日忙搬家，卻大呻身邊的男士都很忙，沒人能抽空幫她：「因為我住嘅地方冇電梯，我要搬住啲嘢行六層樓，當做運動。」她又透露將於三周後返回英國照顧患病的母親：「我想帶埋我隻貓返去，不過要帶貓去外地真係好貴，所以依家好努力做嘢賺錢。（識個有錢人照顧你？）我個個星期都會諗一次，不過我係愛情主義者。（有冇有錢人追過你？）以前有，不過我唔鍾意啲人請我食好貴嘅晚餐，Show Off佢幾有錢。我反而鍾意啲簡單、用錢買唔到嘅嘢，咁先浪漫！」而Icy則透露因近日沉迷看韓劇，故希望復活節前往韓國旅行，並到韓劇的拍攝地朝聖。

穿短裙大騷長腿的Alice B.十分養眼。

Icy（左）與新鴻基地產代理租務總經理馮秀炎出席活動。