無綫新劇《無雙譜》一眾演員黎耀祥、郭羨妮、岑麗香等昨晚於尖沙咀舉行煞科宴，已減掉六磅的黎耀祥表示因看到發哥減肥後變後生，故也想減肥變「回春祥」！

黎耀祥與郭羨妮齊齊出席活動，祥仔更表示學發哥減磅回春。

周潤發

《無雙譜》一眾演員到尖沙咀出席煞科宴。

激減三十磅的發哥令一眾男藝人發憤減磅望回春，而視帝黎耀祥昨晚出席《無雙譜》煞科宴時亦表示已減走六磅，即將拍攝新劇《商戰》的他坦言要再減六磅：「見到發哥減完肥之後成個人後生咗，原來瘦真係好緊要！成個Look都後生啲！」

問到有沒有地獄餐單可提供？他聞言即說：「梗係有啦！我開工通常都係食火龍果，食晏就食半碟飯，晚餐就食兩個火龍果或者一隻香蕉！」

郭羨妮鎖老公造人

他又透露將與黃秋生合作拍劇，還大讚秋生乃前輩兼高人，對於TVB的劇集一再被批評，他說：「反駁係必然，要接受，劇集要冇問題好難，TVB走大眾化路線，有時係冇辦法！希望觀眾唔好吹毛求疵！」

而郭羨妮則表示劇集花了幾個月時間拍攝，是時候多花時間在女兒身上，坦言想生「馬BB」的她被問到生仔秘方時說：「吓！唔使啦！鎖老公喺房啦！（想生仔定女？）冇所謂，總之兩個就夠晒數！」至於龔嘉欣被問到，日前有指其富二代男友收回送給她的車，她表示從沒有收過車，又強調目前不想拍拖，如果真的拍拖會帶回家給爺爺嫲嫲認識。