賽車界初哥莊思敏（Jacquelin）日前在珠海參加賽車，錢嘉樂及方中信亦是參賽者，最後由錢嘉樂奪冠，Jacquelin則獲亞軍。Jacquelin表示志在參與，未想過得獎：「今次有16名參賽者，當中有專業車手，我由頭到尾只係練過四次車，喺排位賽我係包尾。師傅叫我唔使理其他車手，最緊要安全同完成賽事，前面多數有意外，到時就執死雞，估唔到真係如佢所料！（贏咗方中信？）佢其實好勁，但前面競爭激烈，發生碰撞，撞爆咗車胎。」

莊思敏（左）、錢嘉樂（中）、方中信（右）

此外，她透露賽前方中信及錢嘉樂亦有教路，問到兩人會否認為她有天分？她笑說：「佢哋不停咁笑我，話我真係好好彩，咁都可以上頒獎台。今次得獎總算向贊助車隊有所交代，對日後比賽都更有信心。5月會再喺馬來西亞比賽，不過爸爸媽媽唔鍾意我賽車，覺得危險喎！」另外，方中信昨日在微博上載賽車照片。