杜汶澤與日本AV女優夕樹舞子、沖田杏梨、葵司、由愛可奈及辰巳唯昨日大鬧尖沙咀，阿澤任由夕樹舞子喪摸下身，又讓擁42L超爆上圍的沖田杏梨胸壓！他更李小龍上身，許下豪情壯語：「幫我食咗『東亞病夫』四個字落肚！」

杜汶澤與一眾女優重演新片「癡女列車」一幕，令人睇到嘩嘩聲！

沖田杏梨大派飛吻，粉絲肯定睇到眼定定！

葵司身穿性感泳裝上陣，相當吸睛。

阿澤率領AV女反轉尖沙咀，驚動警方到場。

杜汶澤與五名穿上比堅尼的AV女優，昨日殺入尖沙咀宣傳新片《3D豪情》，他們在貨車改裝而成的車廂中重演戲中「癡女列車」一幕。被封為「人類最強Body」的42L沖田，身穿的比堅尼根本無法包冚其Mega Size雙峰，但她照樣瞓身胸壓阿澤；露乳貼的夕樹則不停撫摸阿澤下身；葵司則疑露乳暈。眾女對阿澤上下其手，吸引逾百市民圍觀，期間有警察到場了解。

沖田表示首次在戶外宣傳：「好興奮！（比堅尼遮唔晒上圍？）唔覺得尷尬呀！」至於夕樹受訪時則High爆，七情上面地自動波再摸小澤，並說：「拍戲時已經摸阿澤，今日更加盡興！我哋幫阿澤改名『東京鐵塔』，希望佢可以又長又高！」

向加藤鷹取經

左擁右抱的阿澤甚為受落，他笑說：「幫我食咗『東亞病夫』四個字落肚！講真，今日呢啲比起戲中嗰啲算保守啦！我從未見過佢哋着咁多衫！（被突襲唔還擊？）完全歡迎呀！佢哋咁熱情，我代表香港歡迎佢哋！（你唔晒肌？）唔使，依家唔算最Fit。（老婆田蕊妮點睇套戲？）佢第一個睇咗，見到『神之手』加藤鷹就笑到碌地，仲支持我跟佢學嘢，我戥阿田高興！」提到與他罵戰的黃秋生日前撐其Facebook發言，阿澤說：「黃秋生嘅嘢，我唔回應。」