佘詩曼、林峯及沈震軒昨日為劇集《使徒行者》出席無綫記者會，提到不少演員因受傷辭演而換人，包括傷手腕的沈震軒，阿佘指對方受傷未有影響進度：「聽聞稍後劇集會再拜神祈求順利！」她透露完成《使》劇後會再為無綫拍劇，但希望先放假旅行充電：「去邊度都冇所謂，最緊要休息吓，到時會同啲姊妹去，但係佢哋大部分都做咗阿媽，度期有難度！」

沈震軒（左起）、陳敏之、梁烈唯、阿佘及林峯希望《使》劇順利完成拍攝。

至於林峯對劇集意外頻生笑說：「我都講笑話會唔會下個輪到我，其實套劇安全措施做得好足，所以遲啲拜多次神希望順利。」完成手術並已復工的沈震軒，預計要兩個月才復原：「冇諗過傷得咁重，慶幸冇傷到塊面！（運氣麻麻？）都估唔到，依家最頭痛係有場要抱住陳敏之出火場嘅戲唔知點拍。」