演活《情迷索瑪莉》（There's Something About Mary）中萬人迷「索瑪莉」一角的金美倫戴雅絲近期出書，分享嶄新審美觀，更上節目公然教人觀「便便」睇健康，年過40的她對養生另有一番見解。

金美倫戴雅絲（Cameron Diaz）26歲時憑「索瑪莉」一角深入民心，現年41歲的她仍保養得宜，近期更推出新書《The Body Book : The Law of Hunger,the Science of Strength and Other Ways to Love Your Amazing Body》分享養生之道，雖然有指她受好友桂莉芙白德露（Gwyneth Paltrow）影響而出書，不過未如對方主張貴價飲食，反而叫大家想食就食，再配合運動而且吸收益生菌和水分，簡單又隨心！

金美倫早前於新書宣傳活動更大談對審美觀的新體會：「唔好再同女仔講佢哋好靚，女仔會因為被讚靚而承受好大壓力。」又明言會狂擦薯條兼唔怕老，熱愛運動的她試過一日踢腿1,500下，身體力行為美麗重新定義。

萬人迷冇包袱

另外，金美倫更於節目分享觀「便便」心得，從便便的形狀及質地審視健康狀況，她說：「便便唔只係生活必須嘅事，更加係健康指標。」說罷即拎起樣本講解，完全沒有「萬人迷」包袱。