藝人薛家燕新春期間與子女及「好友」齊組「溝通團」到內地旅行，身在內地的她大讚子女安排貼心：「珊珊（大女石祐珊）因工作去唔成，有啲可惜，最後變成我、Jackson（兒子石耀庭）、Jamie（妹妹石耀珠）同一大班朋友旅行，希望此行加強溝通。我哋夜晚放孔明燈，升上天好靚，仲有放煙花，玩得好開心！」她更大晒家庭合照，但「好友」因怕醜未有上鏡。

薛家燕一家三口到內地旅行度新歲。

雖然不在香港，但家燕姐仍非常緊張其主演的賀歲劇《新抱喜相逢》劇情發展：「呢個禮拜日就大結局，到時我會趕返香港睇大結局。」

另外，家燕姐被拍得睇千萬遊艇，昨日其女兒石祐珊代回應指媽咪仍在考慮中，因識人可以較平價錢購入，況且高價遊艇有保值潛力。