中法混血名模Amanda S.結婚兩年多，一直努力造人，更決心積極調理身體，望趕得及生個馬B B！而單身的模特兒鍾浠文則有顆恨嫁的心，望兩年內與好姊妹一同做媽咪。

Amanda S.會努力造人，務求盡快生BB。

鍾浠文恨與好姊妹一齊大肚，感受做媽咪的喜悅。

倪晨曦（右起）、鍾浠文、朱韻韻和李月用Tee寫揮春應節。

混血名模Amanda S.與意籍老公Christian Cappelli結婚兩年多，一直努力造人，希望盡快生BB。但她坦言過去一年，每日都為自己的甜品店忙個不停，壓力爆煲，令造人計劃久久未能成功。

壓力爆煲失眠

問到可會希望盡快生馬BB？Amanda說：「其實我哋都努力緊，但真係唔容易。因為我做嘢好大壓力，搞到成日失眠，都影響咗我嘅健康。」她決心馬年積極調理身體，每周抽兩天做運動減壓，更會多抽時間做義工，幫助照顧天生有殘缺的小朋友。

同是模特兒的鍾浠文（Zelia），早前聯同倪晨曦（Elva）、李月（Bobo）和朱韻韻（Angel）慶祝新年，並在迪欣湖湖邊畫衣服揮春。談及新年願望，仍為事業打拚的Zelia說：「想四個一齊有BB，哈哈！唔係今年嘅，係希望有一年大家一齊大肚，咁大家食嘢都差唔多，希望兩年內可以達成。」她與Elva和Angel更笑言早已看中Bobo的一歲半囝囝，希望將來可以「對親家」。