前港姐朱千雪前晚與黃德斌在中環為新劇拍攝一場換衫戲，在車內換衫的她露出大髀，十分香艷！她又自爆在劇中不時被黃德斌罵，但亦笑言被型男眼神電到暈得一陣陣！

千雪在德斌的車廂後座換衫，露出白滑大腿，十分誘人！

穿斜膊短裙的千雪與德斌在中環拍外景，更坦言被對方魅力電親！

藝員黃德斌與朱千雪前晚在中環為新劇《再戰明天》拍攝外景，兩人飾演懲教署更生組人員，負責監察釋囚受監管期間有否違規，當晚拍攝的劇情講述千雪與德斌原本要出席晚宴，但臨時收到指令要尋找釋囚，身穿露膊裙的千雪被迫即場在德斌座駕內換衫，換衫時更露出大髀，認真香艷！

畀惡魔型男電暈

問到在德斌面前換衫會否感到尷尬？千雪說：「OK啦！又唔係真係除晒！」再度扮演專業人士的她又說：「好好玩！因為係喺現實生活上做唔到嘅角色。（同德斌合作有冇壓力？）今日係第一日開工，暫時冇壓力，佢都好Nice！（怕唔怕傳緋聞？）咁又唔驚！」德斌在劇中飾演其上司，雖然不時被他責罵，但千雪仍笑言間中也被這位型男「電暈」！

而德斌大讚千雪有實力：「佢唔係花瓶，係有實力！仲係美貌與智慧並重！」問到拍攝時有否過千雪兩招，德斌打趣說：「佢教我咪得囉！佢教我擺甫士。」以往曾扮演監犯的他透露，現實中曾做義工到監獄探訪，所以對監獄甚為熟悉：「我成日都出出入入，大嶼山監獄都去過！又唔係深入，皮毛都知道嘅！」