一眾午馬的昔日戰友兼好兄弟，昨日接獲他的噩耗後大感愕然，成龍和洪金寶（三毛）不禁嘆息，成龍更傷心得不欲多談，三毛透露年前曾與午馬合作電影《大武生》，之後便再沒有見面，不過以往每逢拍戲，他們即使不同劇組，也會互相過廠探班，每次見面也會不停鬥嘴，對於午馬健康狀況，他說：「都係早半年先知佢有呢個問題，但佢好樂觀，冇當係一回事，希望午馬安息啦！」

洪金寶

成龍

而近期與午馬拍攝內地劇的孟海表示，對方一直有病，曾勸他退休好好休養，但午馬卻堅持工作：「可能過年前喺內地開工冷親，本來初一約咗成大班朋友飲茶，但見唔到佢出嚟，尋晚就收到佢家人通知過身。」孟海又指午馬雖然遺下妻女，但經濟絕對沒有問題。至於與午馬相識20多年的盧惠光，亦表示原定約對方新年期間飲茶，但最終未有現身。

此外，惠英紅得悉死訊後亦說：「午馬係我嘅伯樂，當年佢見到我喺舞蹈團跳舞再引領我拍張徹導演嘅電影。佢好好人，識佢30幾年未見過佢發脾氣。」